مخنوق ومضايق والدنيا سوده فى عنيا.....!

مخنوق ومضايق والدنيا سوده فى عنيا.....!

قرفان وكاره الحياة ومش طايق حد قدامى

حصلتلى مشكلة ومش عارف احلها ( عادى بتحصل كل يوم)

فتخناقت مع كل اللى فى البيت واتعصبت عليهم ( اصلهم خنقونى)

انا بجد عايز انسى المشاكل دى ..... انا خلاص اتخنقت

قرف فى البيت والدراسة والشغل دى مبقتش عيشة

اهرب من همومى ازاى ؟؟؟؟؟؟

صحابى قوليلى انى ممكن انسى همومى بحاجة واحدة بس

هيا السجايير

فعلا هيا الدواء من كل داء هشربها وانسى همومى

السجايير دى نعمة واللى يكرهها يعمى ( ما هو هيعمى فعلا بعد ما هيشربها)

وياسلام بقى لو كمان زودتها بحاجات تانيه ( كمان حاجات تانيه هى ناقصه )

اخيرا مشاكلى هتتحل ..... اخيرا لاقيت الطريقة اللى هتساعدنى

بس للاسف فرحتى المزيفة مستمرتش عارفين ليه

بعد ما عملت كل ده صحيت تانى يوم

لاقيت ان المشكلة ذى ما هيا مختفتش

يعنى معنى كده ان السجايير مش هى الحل

مش هيا سر السعادة ( ممكن عشان معندهاش عقل يفكر ويساعدك فى حل مشاكلك)

اكتشفت انى بقيت عبد ..و ذليل لشىء اتفه من انى اكون على علاقة بيه

الحمد لله زودت مشاكلى مشكلة جديدة

بسال نفسى ليه مفكرتش وقررت احل مشاكل بنفسى .. ليه ملجاتش لربنا .. ليه بعدت عنه

عملت فى نفسى كده ليه عشان انسى همومى ... للاسف همومى زادت ومنقصتش

لاجئت ليها عشان اثبت انى راجل وشجاع ومش طفل صغير ...

ياترا كنت بتحدى الناس والا بتحدى نفسى .... بثبتلهم انى راجل

والا وانا اللى مش واثق من نفسى وحبيت اثبت لنفسى

بالعكس انا اثبت لنفسى انى ضعيف بمشى وراء شهوتى

للاسف احب اقول لكل شخص اتجه للسجايير

عشان يثبت انه قوى او رجل انه للاسف انت اثبت انك ضعيف ومعندكش اى عقلية

تثبت انك راجل ومسئول

غضبت ربك وزودت همك وضيعت حياتك وكمان راحت صحتك وبقيت ضعيف ومكسور

ليه بنعمل فى نفسنا كده .....

خد قرارك وشوف انت عايز تبقى فى انهوه طريق

طريق السلامة والا طريق اللى مفهوش نهاية

وفى النهاية هقولك

ارمى سجرتك ودوس عليها وخليك اقوى منها

وعلى فكرة انا قصدت بالسجايير كل انواع المكيفات

سجايير ... مخدرات ... خمور

اشياء حرمها الله وحللها ابليس

حرمها ربنا عشان هتاذيك وحللها ابليس عشان برده هتاذيك

اختار طريقك بنفسك

أنتو أية رايكم بقى يا جماعة فى الحوار دا؟....!

عدد الرسائل : 48 تاريخ التسجيل : 22/12/2008

اة طبعا يا محمد كل الكلام دة صح
السجاير وكل الحاجات دى مش بتحل مشكلة ولكن دى كلها حلول لشخص ضعيف مش قادر يحل مشاكلة
اللى مخنوق يعمل حاجة كويسة يقدر يشغل بيها نفسة وحتى لو كانت بسيطة
واكيد لو الواحد بيتقى الله اكيد ربنا هيحمية من حاجة زى دى
ربنا يبعد عنا الشيطان ويبعد عنا كل اللى بيضرنا ويهدينا